Arunachal tsür Tarh Peeju nem Bravery Award agütsütsü

Itanagar, January 12 (Agencies): Arunachal nungi arishi küm 9 tetsür chanu, shibai la medemer ana kümzükdang Pachin ayong nung arakseta asü, la tasütait mapa asoshi Indian Council for Child Welfare (ICCW)’s National Bravery Award (Bharat Award) asoshi la shimogo.
Peeju ya 2007 küm March 30 nü aso. La Alphabet Public School, Nirjuli nung class IV nung zünga liasü.
Iba tatalokba ya yaküm May 19 nü atalok. Peeju, la teyi Tarh Charu (11) aser lar medemer Phassang Marry (12) nunger Jollang yimdak ayong ajangtsü merangdang tzülok tesashi alua teyi aser lar medemtsürla na ponger oyaa lia lai angu. Lendong liaka ibaji ngua lai ayong jagi pongoka ia tena prongla ayongküm nung atsüteta toktsü, saka la kanga belemba ajanga ayongtzü nemji ponger yoka asü.
New Delhi nung sentong ka nung iba sempet ji Prime Minister ajanga Peeju nem agutsütsü.