Arunachal yimtsüng ajunga nung Mobile telecom service agütsütsü

Itanagar, April 02 (Agencies): Arunachal Pradesh kübok mobile telecom service maliba yimtsüng ajunga nung Comprehensive Telecom Development Plan (CTDP) ajanga 2017-18 mapang nung inoktsütsü.
BSNL NE-II ketdangsertem aser Minister of State (Independent Charge) for Communication, Manoj Sinha tsüngda yashi senden amenba nung iba mapa inyaktsü lemtet, ta BSNL ajanga tanü sangdong ka nung metetdaktsü.
Mobile network maliba yimtsüng ajunga nung mobile Base Tran-receiver Stations (BTSs) 1893 amshia item yimtsüngtem ajak amshitsü. CTDP project ajanga lenmangtem ajunga amshitsü.
District tem tsüngda telecom network tesendaktep tali tashi taitba kümdaktsütsü aser ‘Digital India Vision’ ajungkettsü asoshi Optical Fibre Cable (OFC) kilometre 1510 inoktsütsü aser iba sentong tawa tenzükogo.
Itanagar nung tawa ang Multi Protocol Label Switching (MPLS) indang 10 Gbps tesendaktep ana amshi tenzükogo. MPLS-i telecom asoshi tongti shilem agitsü aser iba ajanga state aser central sorkar indang e-governance project tem junga inyaktettsü.
Itanagar nung 3G data network aser broadband service tekeraba amshitsü asoshi BSNL ajanga PGCIL nung 40 Gbps indang transmission media amenlokogo. Koda masü BSNL indang OFC raksaba mapang iba 40 Gbps ya ‘Alternate Protection Path’ ama amshitsü, ta sangdong ka nung BSNL ajanga ashi.
State nung 3G, Broadband aser arutsü aliba 4G/WiFi hotspot network tem tekeraba amshitettsü asoshi Itanagar nung Dense Wavelength Division Multiplexing (DWDM) osettem amenlokogo.
Arunachal Pradesh nung mobile service tajungba kümdaktsütsü asoshi 2016-17 küm 2G indang BTSs 80 aser 3G indang BTSs 80 amenloka lir.
GSM Phase VII+ project kübok BSNL ajanga 2G indang BTS 30 aser 3G indang BTS 30 inokdaki.
Next Generation Network (NGN) indang osettem Itanagar, Naharlagun aser Nirjuli tesemtem nung inokogo aser iba ajanga Itanagar nung landline aser broadband service tajungba kümdaktsür, ta kasa sangdong ajanga metetdaktsü.