Arunima Sinha-i Mt Aconcagua talak tongogo

Lucknow, January 04 (Agencies): Taoba mapang Mount Everest tenem talak tonga otsü tasen yanglula, Arunima Sinha-i Argentina kübok Mount Aconcagua tenem talak tonga tawa otsü tasen yangluogo.
Metre 6,960.8 talang Aconcagua tenem ya Western aser Southern Hemisphere naprongla nung talangtiba tenem lir.
Tetsüng kelen rangdoker tang taila tetsüng mesenloka alila, Arunima-i yaküm December 12 nü nungi tenzüka tenem talakleni atuba sülen December 25 nü Aconcagua tenem talak tonga idakji India linük wako süngoka yutsü.
“Mission 7 Summit rong nung ni 5 buba alizüng asangsang nung ajangzüktetogo. Ni tanabuba Mount Everest ta ajaba Aconcagua tenem talak tongtetogo. Iba tenem talak tonga atuba sülen ni alima nung tenem 5 talak tonga atur mezüngbuba tetsüng kelen malir tetsür küma otsü tasen yangluogo. Ni maneni tanüngba tenem 2 talaka tonga tua Mission 7 Summit alizüng ajangzüktsü alizüng yua lir,” ta Arunima-i metetdaktsü.
Arunima 2011 küm train accident lendong nung densema, la tetsüng abelen rangdoktsüsa aküm saka iba lendong ajurur küm 2 süir May 21, 2013 nü Mt. Everest tenem talak tongteta alima aoksadaktsü.
Lai iba alizüng atongba nüngtem nung India sorkaria Arunima nem Padamshree sempet agütsüogo.