Arvind Kejriwal Amritsar okadak nokdak

Amritsar, November 01 (Agencies) : Delhi Chief Minister Arvind Kejriwal aser tanga AAP lenirtem anema Punjab Revenue Minister Bikram Singh Majithia-i ken o ka benokba dak sendakba nung Mongulbarnü Kejriwal Amritsar court ka nung nokdakogo.
October 15, 2016 nü iba ken o angadangdang Kejriwal-i okadak menokdaktsü mepishia liasü.
Delhi Chief Minister den AAP lenirtem Sanjay Singh aser Ashish Khetan nungeri tangar dak tiyazü tai tokloktsüogo ta aija iba ken o ya benok saka July 29, 2016 nü iba ken o angadangba sülen parnok bail nung chiok.
Bikram Singh Majithia-i Punjab nung temesepba mozü shibelener aser pa ya “drug lord” ka lir ta aitsüba sülen additional chief judicial magistrate okadak-i Kejriwal aser APP lenirtem July 18, 2016 nü okadaki jaok.
Majithia-i, iba ken o tekaratiba nung bendangdaktsüner aser ozü kibong maksütsüba atema AAP lenirtem tepuokdaki yokner, ta ashi.