ASA asayamung Feb. 28 nungi March 4, 2017 tashi akatsü

Kohima, February 23 (TYO) : Angami Sports Association (ASA)-i parnoki tenzükba ASA asayamung golden jubilee February 28 nü nungi March 4, 2017 tashi Khuochiezie (Kohima Local Ground) aser Indoor Stadium, Officers Hill, Kohima na nung ayonga amungtsü sentong renema lir.
Iba sentong Lok Sabha MP Neiphiu Rio tongti tesemdangersüa February 28 anepdang 9:00 ako nung lapoktsütsü. Old MLA Hostel compound, Phoolbari, Kohima nung pai golden jubilee nüngo long lapoktsüba sülen asayamung lapokba sentong agitsü.
Melangtepba anogo, March 4, 2017 nü Minister Kiyanilie Peseyie tongti tesemdanger aser MLA Dr. Neikiesalie (Nicky) Kire tetushi tejaoker asütsü. Iba nü chief patron ji Class I contractor, Vilelie Khamo asütsü.
Asayamung piyong tenüngteta jaokertemji Parliamentary secretary tem, Er. Vikho-o Yhoshii aser Khriehu Liezietsu, MLA tem, Er. Kropol Vitsu, Zhaleo Rio aser Dr. Neiphrezo Kedistu nunger lir.
Iba golden jubilee asayamung asoshi tang Kohima Local Ground aser Indoor Stadium na nung kangsa mazüngi inyaktepba mapang lir.
Iba sentong dak sendakba nung temetettsü olen kar lemsatepba sentong February 25, 2017 nikongdang 3:00 ako nungi Kohima Local Ground nung akatsü anungji iba asayamung nung ketdangsütsüpur Nagaland Athletic Club, Kohima District Football Referee Association, Kohima District Volleyball Association, Nagaland Sepaktakraw Association, Kohima District Table Tennis Association, Nagaland Badminton Association, Golden Jubilee Committee members, unit mendenpurtem aser ground management team (WACU) teloktem ajak arua adentsü mepishir, ta ASA general secretary Er. Zale Neikha-i metetdaktsü.