ASA Hon Jubilee asayamong anogo ananübuba osang

Kohima, March 01 (TYO): Angami Sports Association (ASA) Hon Jubilee asayamong ya anogo pongu akatsü lir aser Kohima Local Ground aser Indoor Stadium nung asaya tenzüker tanü agi ananübuba jungogo.
Parliamentary Secretary, Mechanical & NSMDC, Er. Vikho-o Yhoshii aser Parliamentary Secretary, Music Task Force & State Lotteries, Khriehu Liezietsu na ananüba asaya nung tongti tesemdanger liasü.
Kilung nung asayaba saisapongtem tanü nikongdang Indoor Stadium nung tenzük aser March 2 tashi asayatsü.
Marathon asemtepba March 2 nung agitsü aser iba sentong ya Chief Patron, Vilelie Khamo-i Kohima Science College, Jotsoma nung anepdang 6:00 ako nung tenzüktsütsü. Marathon ya PHQ lemjem, TCP gate, Razhii point, Tinpati, DBS, BSF Check gate, Seikhazou tesem ajak alema orr Kohima Local Ground nung tembangtsü.
Kohima Local Ground nung March 2 anepdang 9:00 ako nungi Football aser Volleyball asaya MLA Er. Kropol Vitsu-i tenzüktsütsü.
Day-Two medal standing
Region G S B Total
NASA   11 11 9 31
SASA    11 8 12 31
WASA  02 04 01 07
CSA      01 02 03 06