Asafa-i Delhi Half Marathon nung shilem agitsü

New Delhi, October 26 (Agencies): India yimtiba, New Delhi nung taruba November ita agitsü ayongba 2016 Airtel Delhi Half Marathon tetoktepba sentong nung Jamaica nunger toktepa asemer mongin, Asafa Powell-i tongti tesemdanger ka ama shilem agitsü renemba osang angazükogo.
9 buba Delhi Half Marathon sentongji November ita 20 nü agitsü ayonga lir.
Arishi küm 33 tain Olympic champion, Asafa-i 2005 nungi 2008 küm tashi tebur 100m otsü abenba sülen külem sensopur, Usain Bolt-i tekaraba mapang nung alizüng tonga, otsü tasen yanglua liasü.
Procam International-i ayongba Delhi Half Marathon tetoktepba sentong nung toktepa asemer nisung 34,00 dak temai shilem agitsü renema lir.