Asayamenür Chris Rock-i Oscars 2016 sentong anitsü

Los Angeles, October 23 (Agencies) : Sangküm February nung US comedian & actor Chris Rock-i Oscars sentong len anitsü, ta tayongertemi metetdaktsü.

Chris Rock-i tang agi tanabenbuba Oscars nung iba shilem agitsü.

“Chris Rock ya entertainment industry nung kanga dang tongtipang nisung ka lir. Pai comedian, actor, writer, producer, director, documentarian mapa ajak inyakogo” ta Oscar producer tem – David Hill o Reginald Hudlin nati ashi.

Oscars sentongji February 28, 2016 nü Los Angeles nung agitsü.

Arishi küm 50 tain Chris ya Saturday Night Live nung tejen nisung ka lir aser pai film aika nung shilem agiogo.

2005 Oscars nunga pa sentong anir liasü aser iba küm Million Dollar Baby-i Best Picture award angu.

Chris-i tesüsabuba shilem agibaji HBO nung Amy Schumer-i direct asüba stand-up comedy special Top Five nung liasü.