ASEAN senden nung SCS onük mebenoktsüla: China

Kuala Lumpur, August 03 (Agencies): 48 buba Association of Southeast Asian Nations (ASEAN) senden nung South China Sea (SCS) den sentakba mangatettep onük mebenoktsü olen ka China Vice Foreign Minister, Liu Zhenmin-i tanü Hombar nü mtetdaktsüogo.

48 buba ASEAN Foreign Ministers Meeting ya asüng, Mongolbar nü nungi tenzüka Kuala Lumpur nung amentsü ayonga lir.

“SCS den sentakba mangatettep onük ASEAN senden nung mebenoktsüla kechiyong ASEAN sendenji SCS onük benoktsü sabang masü saka ASEAN züngsemtem rong nung amalitep alitsü asoshi ayongba senden ka ASEAN sendenji lir,” ta pai ashi.

SCS ken o benoka maliba linüktemia SCS onük nung teka amoktsü memerangtsüla ta pai shisem.