Asen Ao oshi atema rajem olen ka lemsateper

– R.Imkong Lkr, Diphupar: Dimapur.

Tanü asenok Aortemi moa par tashir temeteter telok kati annir asen Aor kaketshirtem aika Ao oshi koda koma renloka aotsü, iba tangatetba nung ASLB-puri joko küm ishikabo tatitang agiyonga arudagi, iba tatitang nung aikati takok tajung ngua arudagi. Saka iba ASLB tetezü ya nibo kanga jungabo mangateter, parnoki ASLB tetezü ya talangba agi Ao Senden Literature Board ta agütsüogo. Kodang asen Ao oshi ya shidakba tenzüka odi ta südir, koba tetezü agütsür, iba tetezüji kanga junga agütsütsüla, iba sülenjiang oshi kaji tenzüka otet-tsü ta nibo shiteter. Yamaji A.S, tetezüjibo asen Ao oshi nung kanga junga agütsüogo, saka L.B tetezüjibo English oshi nung agütsüba yabo asen Ao oshi tenzükdangyongi English oshi aboa ‘borrow’ tenzükba ya angudang temenünütsüka ta nibo bilemer. Iba “Literature Board” ojang ana melenaji asen Ao oshi nung “oshi tamentakak mendenpurtem” ta aja nung kanga ajungtsü ta nibo shidanger. Aser ASLB melena-ji asen Ao oshi nung meja meja amshia jara “Ao Senden oshi tamentakdak mendenpurtem” ta ajatsü, aser item ojangtemjiang asen Ao oshi shidakba nung ajar asütsü. “ASLB” melenaji tatsüba agi “ASOTM” ta ajatsü akok.