Asenok kümzüka alitsü atema sepaitemi timtem ajurur: PM Modi

October 30, 2016 : ‘Ae Dil Hai Mushkil’ film reprangba sülen superstar Aamir Khan-i Ranbir Kapoor kanga tushi. Ranbir-i iba romantic drama film nung kangasa junga shilem agitetogo aser pa actor rongnung tajungtiba ta dena Aamir-i shiogo.
Ranbir Kapoor-i shilem agiba ‘Ae Dil Hai Mushkil’ (ADHM) film ajanga ‘Sultan’ film agi bendanglen aazükba dang timba aatet.
Karan Johar-i direct asüba ADHM film ya ajaki reprangtsüla, ta Aamir Khan-i Twitter ajanga lemsatepogo.
‘Ae Dil Hai Mushkil’ film tang reprangogo!!!!Ni iba film kanga jangratema reprangogo! Karan-i stadium adena ball  metsüoktsüogo. Ranbir, Aishwarya aser Anushka nungeri kangsa junga shilem agitetogo. Ranbir ya actor tem rongnung tajungtiba lir!Kecha ashitsü mali!Ajaki reprangang!” ta arishi küm 51 tain Aamir Khan-i social media ajanga pelaseta lemsatep.
Yashi nikongdang director Karan Johar, Ranbir Kapoor aser Anushka Sharma nunger den director Ayan Mukerji dena Aamir Khan-i ayongba Diwali benjong nung oa aden.
‘Ae Dil Hai Mushkil’ film ya Hokolbarnü saya aser iba film ajungba indang film sapurtem aser film industry-i kanga jembidar.
Film yanglurtemi sangdong ka ajanga ashiba agi, iba romantic drama ajanga sayar anogo tananü sen crore 13.10 aatet aser ananü sentepa sen crore 26.40 aatetogo
Iba film ya Ajay Devgn-i tongti shilem agiba ‘Shivaay’ film den khenü yongi saya.