Asenok Mechi Sentok

Tembar ka na anasa aliba ajanga tali timatemer asü anisüngzük agütsür? Iba telangzüba ngutettsü asoshi University kati lenmang balala ajanga shisatsü bushi. ASeni maginüba mapa tangari inyak dang aser tekoloki koma agizüker. Akang tembar ka mesüra nisung tasen ka teka nung nai ametdang ne tekolok nung koma mapa inyaker itemji metettsü asoshi iba tebushiba mapa inyak.
Parnoki nisung aika dak reprang aser kesa telangzüba angu. Kodang shiranger ka kija toktsüdir mesüra nisung tasen kati padak kongshia yaridir idangji pa timatemba tekolok nung tali jangrudaktsür. Saka kodang pai temulung toka aliba nisung kati padak kongshidir mesüra yaridir idangji shiranga alisang tekolok anisüngzüker.
Yisu Gethsemane atsüki nung sarasademba mapang anisüngzük agütsür nüngdaka liasü. Pa ashioktsütsü, aputsü aser südaktsütsü ta Yisui meteta liasü. Yisui Pa anasatiba tembartem dang “Kü tanela tasütsü ama kanga jashir, nenok yangi ata-a liang aser kü den saksalema liang” ta ashi. Saka Peter, Yakob aser Yohan amua oatok.
Yisu Gethsemane nung timtema sarasademba mapang teyarir shinga maliasü. Pa kijai timtem abenba ajanga Pai kodanga asenok metoktsür (Ibri 13:5). Tsüngrem temeim nungi asenok mepiladaktsütsü asoshi Yisui timtem ajak aben (Rom 8:39). Pa asen tembar asü nung aseni inyakba ajak takoktsü kümdaktsür.
Tazüngtsü Mathi 26:36-46
süngremi pei sasa shiogo, “Ni na kodanga metoktsütsü.” Ibri 13:5