“Asentenshi Ken” ken kaket ka sayaogo

Mongsenyimti, Oct. 2, 2015 : ‘Mongsenyimti Senso Dr. J. R. Bailey Mission Anogo’ October 2, 2015 nü amungdang Mongsenyimti Compound Baptist Arogo Sannüker Imtimenpang Ozükum-i “Asentenshi Ken” kaket tilaka meshiteta sayatsüogo.
Tsüngrem tesüngmangtsü sayatenya ajanga Ao limai Yisu Khrista yimsü tajung arur, liyonga arudang tamangertem tanela nung ken ajanga ajungmesoa asentenshi tulu adoka arur.
Tongtibangsa küm 40-shi abensaa arudang Ao lima nung dang masü saka Naga lima rangben ayimsünga merok mi ama jangrua ken ajanga tanela nung asentenshi tulu adokdaktsüogo.
Yamaji tanü-a asenok tamangertem tanela nung maneni asentenshi milak tuluba jangrutetdakja tenyaba mapa ka ama inyaktsü nükjidong nung iba ken kaket ya adoker, ta MBC sangdong ka nung metetdaktsü.