Asentenshi Sentong ajanga Yimkong amangsepdaktsügo

Dimapur, Oct. 15 (TYO) : ABAM Arunachal Mission nung 9th -11th Oct 2015, Longmisa Baptist Arogo Mission board ajanga Kenon Baptist Arogo (Arunachal) nung Home Revival ka “Restore Us” omen nung ajemdaker agia liasü.
Kenon Baptist Arogo ya ABAM Nokti Field kübok Arogo ka lir, iba Revival ajanga limapur kibong 5 tashi amanga ajak agi limapur 17 tashi Baptitsügo aser lanurtem 15 tashi agi Tsüngrem tenzüktsü nangzük. Iba Revival ajanga Kenon yimtsüng nung yimkong amangsepogo.
Iba ama rongsen aika indoka nübur tanela jenjang yanglushitsüba aser limapur aika temulung meyipdakja Tsüngrem dak amangtettsüsa sentong tulu ayongzükba atema Longmisa Baptist Arogo Mission board dang pelaba metetdaktsür, ta Mr. Asenba Imsong, Field Director, ABAM Nokti Mission Field, Arunachal-i sangdong ka ajanga metetdaktsüogo.