Asha Bhosle küm 82 jungogo, NY nung ken atentsü

September 08, 2015: Nüngtugu kentener Asha Bhosle Mongolbar nü arishi küm 82 ajungba anogomung nung la ‘Big Apple’ ta ajaba yimti, New York tongogo, aser tan hopta tatemlen lai iba yimti nung ken atentsü sentong lir.

‘Dil cheez kya hai’, ‘Dum maro dum’ aser ‘Piya tu ab toh aaja’ kentem ajanga la anogo kanga nüngtuguba aküm aser lai Twitter ajanga US nung la kenten sentong lemsatepogo.

“NYC tang tongogo. Nenok temeim atema maneni pelaba metetdaktsür. September 13 nü New Jersey nung ken atentsü yongyar,” ta Padma Vibhushan award angulai la sapurtem den lemsatep.

Küm 60 dak tem alai oshi aika nung ken jenti tena aruogo, aser la ya kentener tajung ka ta alima ajungai züngshir. Lai bendang linük aika nung ken tena aruogo aser mapang kia nungbo Australia nunger cricket asayar Brett Lee dena ken ka tenogo.