Ashab Uddin India senso ka lir: Manipur CM

Imphal, March 28 (Agencies): Jiribam MLA, Ashab Uddin parliamentary secretary (PS) ka ama züngokba atema lokti balalai anemba ken o nung Manipur Chief Minister N Biren Singh-i telangzüba agütsüba agi, Ashab Uddin-ji nüburtemi shim, anungji iba dak sendakba nung paia kechianga mashir.
“Ashab-i assembly election kokogo. Pa Pradhan Panchayat election nung anaben tashi toktepogo. Ni kanga mangmanger, pa India aser Manipur lisopur lir anungji shibai pa election nung tokteptsü nungi nokdangtsü. Maneni nüburtemi parnok tenüng nung shilem agitsü asoshi election nung pa shimogo, anungji ina nung ni kechi inyaktettsü,” ta CM-i Tulihal Airport nung osangbenertem den jembidang ashi.
Kasa mapang nung Democratic Students Alliance of Manipur (DESAM)-i Honibarnü nungi tenzüka gondha 17 longkak aitba sentong ka ayonga agi.
Ashab Uddin BJP-i aniba teloktep sorkar nung parliamentary secretary ka ama shimokba anema parnoki iba sentong ayonga aka. DESAM-i gondha 17 mokdangba sentong state nung lokti balala-i pusema liasü.