Asia Cup 2016: India-i wicket 5 agi Pak akok

Mirpur, February 27 (Agencies): India teloki wicket 5 agi Pakistan madak takok ngua tang tasayadak Asia Cup 2016 Twenty20 International (T20I) asayamong nung tanü, Honibar nü shilem agiogo.
Tan takok anguba ya densema, India teloki tan asayamong nung shilem agiba asaya anaprongla nung atonga takok angur lir.
Pakistan teloki mezüng batting asü saka India bowler, Hardik Pandya-i wicket 3 aser Ravindra Jadeja-i wicket 2 agia kanga junga asayaba yong Sarfraz Ahmed aser Khurram Manzoor nati runs 25 aser 10 yangluba densema, par Pakistan asayar ajunga overs 17.3 nung asayadak nungi temaleni tugua ajak agi runs 83 dang yanglutet.
Pakistan bowler, Mohammad Amir-ia 1 buba over nung India opener, Rohit Sharma o Ajinkya Rahane na asayadak temaleni tugudaktsüba den külemi, pai Suresh Raina indang wicket-a agia kanga junga asaya saka Virat Kohli-i runs 49 aser Yuvraj Singh-i runs 14 yangluba densema, India teloki overs 15.3 nung Pakistan teloki yangluba runs ajangteta tanü asayaji kokadok.
India teloki par taruba asaya Sri Lanka telok den taruba March ita 1 nü asayatsü lemzüka lir.

Asia Cup 2016 T20I: asaya tarensen
ANOGO MAPANG TeLOK
February 28 7:00 PM Bangladesh Vs Sri Lanka
February 29 7:00 PM Pakistan Vs UAE
March 1 7:00 PM India Vs Sri Lanka
March 2 7:00 PM Bangladesh Vs Pakistan
March 3 7:00 PM India Vs UAE
March 4 7:00 PM Pakistan Vs Sri Lanka
March 6 7:00 PM TBC Vs TBC