Asia Cup T20: Bangladesh-i India den final asayatsü

Mirpur, March 02 (Agencies): Bangladesh teloki wicket 5 agi Pakistan telok madak takok ngua tang tasayadak Asia Cup Twenty20 (T20) final India den asayatsü jenjang tanü, Bodbar nü ajangzükogo.
Pakistan teloki mezüng batting asü aser par asayar, Sarfraz Ahmed aser Shoaib Malik nati runs 51 aser 41 yangluba densema, par teloki wicket 7 laoa ajak agi runs 129 yanglu.
Tesülen, Soumya Sarkar aser Mahmudullah nati runs 48 aser 22 yangluba densema, par Bangladesh teloki overs 19.1 nung wicket 5 laoa runs 135 yanglua Pakistan teloki yangluba runs ajangteta tanü asaya kokadok.
Tan final asayatsü jenjang anguba ya Bangladesh teloki Asia Cup T20 asayamong final asayatsü jenjang tanabenbuba angur lir.
Pakistan teloki anogo ishika lir külen Sri Lanka telok den maneni asayatsü lemzüka lir saka iba asayaji amajok asaya ka dang asütsü kechiyong Bangladesh aser India nati tan asayamong final asayatsü jenjang nguadokogo.
Bangladesh aser India nati tan Deobar nü final asayatsü.