Asia nung tetsü dak nungi HIV nokdangba mezüng linükji Thailand kümogo

Bangkok, June 08 (Agencies) : Asia nung tetsü ka dak nungi kinü tanur dak HIV mesen memenazüktsü atema nokdangba mezüngbuba linükji Thailand kümogo, ta World Health Organisation (WHO)-i sangdongogo.
Iba ya alizüng ka tongtetba lir, kechiyong Thailand ya Asia nung HIV kanga buluba linük rongnung ka lir.
Iba ya koktetba ya alizüng ka lir ta shia WHO-i, “HIV kanga bulua aliba linük rongnung AIDS maliba puto ka asütsü atema iba linük mezüng asütsü,” ta ashi.
Bodhbarnü Belarus aser Armenia linük-a tetsü dak nungi tanur HIV memenazükba linük ta sangdong saka linük ana nung yabo HIV kanga bulua maliasü.
WHO kübok tamalen July 2015 nung tetsü dak nungi tanur menazükba samtsüba linükji Cuba dang laisü.
WHO-i, Thailand nung HIV keta alir mashisa tetsürtem mapangshia tendangba aser mozü angati agütsüba ajanga tanurtem dak memenazüktsü maparen ya takok angu, ta ashi.
Treatment magira HIV aketer tetsütemi mashisa alidang, tanur asodang mesüra mamatzü agütsüdang tanur nem menaloktsütsü maongkaji shilem 15 nungi 45 tashi lir.
Ajisüaka mashisa alidang antiretroviral mozütem achiba ajanga maokaji shilem 1 tahi aludaktsür.
2000 küm HIV aketer tetsütem nem antiretroviral mozü angati agütsüba mezüngpur linükem nung Thailand densema liasü.
1990 küm Thailand nung HIV case 100,000 HIV liasü aser küm asem sülenbo million ka dak tema liasü, iba ya tongtibangsüa teküp ayokertem aliba ajanga liasü.
Thailand nung HIV aketer 500,000 shi lir ta UN-i asadangtetogo.