Asian Badminton Championship nung Sindhu tanabuba round-i iogo

Wuhan, April 26 (Agencies): Asia Badminton Championship asaya mezüngbuba round nung PV Sindhu-i asaya koka tanabuba round-i iogo. Aji saka kasa asayamong nung Saina Nehwal mezüng asaya nung tamakok angu.
Rio Games nung silver medal angula, PV Sindhu-i Indonesia tsür Dinar Dyah Ayustine akok. Sindhu-i taoba mapang nunga iba asayamong nung bronze medal ngua lir. Lai asaya tenzüker minute 30 majung dang 21-18, 21-18 agi Dinar madak takok angu.
Saina Nehwal temokok yiruba sülen nungi kanga jangra metemi asayaa arudar. Iba asayamong nung la Japan tsür Sayaka Sato-i tsükdaktsü.
Asaya mezüngbuba set bo Saina-i 21-19 agi akok saka tanungba set ana nung Sato-i kanga junga asayaa 16-21, 18-21 agi Saina madak takok angu.
Maneni terep temeyoktep asaya nung Pranaav Jerry Chopra aser N Sikki Reddy-nata China nunger Zheng Siwei aser Chen Qingchen-nati 15-21, 21-14, 16-21 agi tsükdaktsüogo.