Asian Badminton Championship: Saina semifinal-i iogo

Wuhan, April 29 (Agencies): India’er tetsür badminton asayar mongin, Saina Nehwal-i lar quarterfinal asaya koka tang tasayadak Asia Badminton Championship asayamong tetsür singles semifinal asayatsü jenjang tanü, Hokolbar nü ajangzükogo.
Olympic bronze medallist, arishi küm 26 tain Sania-i tanü minute 56 shi nung points 21-16, 21-19 ngua taoba world champion, China tsür, Shixian Wang madak takok angu.
Tetsür World No. 8, Saina-i China tsürsa, Wang Yihan den semifinal nung ajuruteptsü.
Tan asayamong nung 6 buba jenjang abenla, Yihan-ia tanü points 8-21, 21-13, 21-19 ngua Japan tsür, Nozomi Okhuhara quarterfinal asaya nung tsükdakja semifinal asayatsü jenjang ngua liasü.
Arishi küm 26 tain Saina-i Swiss Grand Prix Gold, India Super Series aser Malaysia Super Series Premier Open asayamong nung semifinal asayatsü jenjang ngua shilem agiba sülen Singapore Open nung shilem magi süidaktsü aser tan Asia Championship nung tanü tashi takok ngua shilem agir lir.