Asian Boxing nung shilem agitsü pur shimogo

New Delhi, July 21 (Agencies): Taoba mapang Asian Boxing Championship nung takok ngua alisang, Shiva Thapa (56kg) aser Commonwealth Games nung silver medal angusang Mandeep Jangra (69kg) nati anir India nunger tsüngteper 10 tashi Bangkok nung August 24 nungi September 6 tashi ayonga aliba ‘Asian boxing Championship’ nung shilem agitsü shimogo.
“Item tsüngtepertem ya July 17 nungi 18 tashi, NIS, Patiala nung tendanger külen shimba lir. Taoba mapang tsüngteper mongin Capt Gopal Devang, Selection Commission nung mendenbuba Capt Padam Bahadur, Mall Vice Chairman aser Wb Rajkumar Sangwan nunger nem iba shimtsü maparen noklokja liasü. Parnok ajak ya tsüngteper aser Arjuna Award angurtem dang lir. Selection committee nung parnok den ano Elite Men’s Team nung Head Coach aser Dronacharya Award angur, Gurbaksh Singh Sandhu-a liasü, ta sangdong ka ajanga metetdaktsü.
Shiva o Mandeep na den taoba küm silver medal angur L Devendro Singh (49kg)-a dena lir. Pai taoba küm Commonwealth Games nunga tanabuba jenjang nung takok ngua liasü.
75kg tarensen nung, Vijender Singh melena taoba mapang World Championships nung bronze medal angusang, Vikas Krishan shimogo.
Tsüngteper team ya August 24 nü Bangkok-i aotsü aser September 6 nü meyipa arutsü.
Shimteta alir tsüngtepertemji yamai:
L Devendro Singh (49kg), Madan Lal (52kg), Shiva Thapa (56kg), Manish Kaushik (60kg), Manoj Kumar (64kg), Mandeep Jangra (69kg), Vikas Krisan (75kg), Kuldeep Singh (81kg), Manpreet Singh (91kg), Satish Kumar (+91kg).