Asian Champion Trophy:IIndia-i 3-2 agi Pakistan akok

Kuantan (Malaysia), October 23 (Agencies) : Alima hockey asayar telok rongnung World no 6 jenjang nguteta aliba, India Hockey team-i 4buba Asian Champions Trophy hockey asayamung league match nung Deobarnü 3-2 agi Pakistan madak takok nguogo.
Kuantan Hockey Stadium nung India nungeri Pakistan team-i kanga tashi ita asayaba kanga meranga nokdanga asayatet.
Pradeep Mor-i 13ben buba international match asaya aruba mapang tan mezüngsüa goal ka yok. Pai India team atema mezüng goal asaya tenzüker minute 11buba nung yok. Ajisüaka Pakistan nungi Muhammad Rizwan Sr-i minute 31 aser Muhammad Irfan Jr-i minute 39 bubatem nung goal kaka yoka parnok goal timba aküm.
Minute 43 buba nung penalty corner ka agidang Rupinder Pal Singh-i India atema goal ka yoksemer lia minute ka tsüngda nung ano Ramandeep Singh-i India atema takokba goal ka yokba ajanga 3-2 aküm.
India-i mezüng Japan den asayadang 10-2 agi parnok madak tetsüngda aika agi takok aangu, saka yashi, Honobarnü tanabuba asaya nungbo South Korea den 1-1 asü.
Tanü India atema mezüng goal yoksang, arishi küm 24 Mor ya Olympics mapang India team atema substitute nung dena liasü.
Linük trok adenshia asayaba hockey asayamung nung Pakistan-i tang tashi asaya aruba nung 2-4 agi Malaysia den tamakok angu aser South Korea madak 1-0 agi takok ngua lir.