Asian Champions: India teloki Japan akok

Kuantan, October 21 (Agencies): Penalty corner mongin, Rupinder Pal Singh-i goal 6 tashi takok ngua agütsüba ajanga par India teloki Japan telok madak takok ngua, 4 buba Asian Champions Trophy hockey asayamong nung shilem agi tenzükogo.
India teloki goal 10-2 agi Japan telok madak yashi, Brehostibar nü takok ngua liasü.
Yashi asaya nung Rupinder den yarisema, külem asayar, Ramandeep Singh-i goal 2 aser Talwinder Singh o Yousuf Affan nati goal kaka agüja, par India telok nem takok ngudaktsü.
Kenta Tanaka aser Hiromasa Ochiai nati par Japan telok asoshi goal kaka agüja liasü.
Ano külen, Malaysia telokia goal 4-2 agi defending champions, Pakistan telok tsükdaktsüba osang jangjaogo.