Asian championship: India-i Iran den final asayatsü

Abu Dhabi, May 25 (Agencies): India nunger snooker asayar, Pankaj Advani aser Aditya Mehta na densemba India teloki semifinal asaya nung takok ngua, tang tasayadak Asian Snooker team championship final Iran telok den asayatsü jenjang tanü, Bodbar nü ajangzükogo.

India teloki tanü points 3-0 agi Pakistan telok madak takok ngua liasü.

Tanü asaya nung India’er professional snooker asayar kija, Mehta-i points 73-16 agi Mohammed Asif madak takok ngua India telok temaba jenjang nung ajungkettsü.

Tawa continent 6-Red champion akümsang, Advani-ia points 83-25 agi Asjad Iqbal madak tanabuba asaya koka India points 2-0 agi Pakistan den temaba jenjang kümdaktsü.

Tesülen, Advani o Mehta nati aroki lungjemer points 92-8 agi Asif o Asjad na madak takok ngua India nem takok ngudaktsü.

Ano külen, Iran telokia points 3-0 agi Malaysia telok madak tanabuba semifinal asaya koka, final asayatsü jenjang ngua liasü.