Asian Championship: Ruchita-i bronze medal agizük

Tehran, December 08 (Agencies): Tanü, Brehostibar nü tembanga asayaba 9 buba Asian Championship 10m (Rifle/Pistol) tetoktepba nung India’er tetsür prangpong toktepa kashishir, Ruchita Vinerkar-i bronze medal agizüka, India nem konang tajung bener arutsüogo.

Tetsür tetokteper 8 tashi tatemsüa shilem agiba final asaya nung Ruchita-i points 175.5 ajangzüka, tetsür 10m Air Pistol tetoktepba bronze medal-ji agizük.

Kasa tetoktepba nung China tsür, Mengshue Xang-i points 198.8 ngua, gold aser China tsürsa, Yuemei Lin-i points 194.3 ajangzüka, silver medal agizüka liasü.

Tan tetoktepba nung gold 6, silver 5 aser bronze medal 4 tashi agizüka, India teloki ajak agi medal 15 tashi agizükba sülen tetokteper telok tarensen nung 2 buba jenjang anguba osang jangjaogo.

China teloki gold 14, silver 10 aser bronze 8 densema, ajak agi medal 32 tashi agizüka, telok tarensen nung temaba jenjang ajangzük aser par telok ana sülen anidaka, Japan teloki tasembuba jenjang ngua liasü.

Ruchita jakdang, külem sensopur, Shahzar Rizvi aser Jitu Rai natia tebur 10m Air Pistol gold aser silver medal agizük.

Jitu-isa külem sensopur, Om Prakash Mitharval den aroki lungjemer kasa tetoktepba team gold medal agizüka liasü.

Saurabh Chaudhary, Hemendra Kushwah aser Gurmeet nunger densemba India’er junior tebur 10m Air Pistol telokia India atema gold medal agizüka, kanga junga shilem agiba osang angazükogo.