Asian Cup nung India ya UAE, Thailand aser Bahrain den lemzük

Dubai, Monupii 05 (Agencies): Taruba küm Aenjeti/January nungi tenzüktsü aliba AFC Asian Cup 2019 nung India ya United Arab Emirates, Thailand aser Bahrain den Group A nung asayatsü lemzükogo. Kyrgyz Republic, Myanmar aser Macau den tasembuba playoff qualification round tembangba mapang Stephen Constantine’er telok ya table nung temaba jenjang nung liasü aser Pot 3 ajanga draw nung jenjang ka ngutet.
Iba asayamung ayonger, UAE ya pasasa Group A-i aiter aser Thailand aser Bahrain ya Pot 2 aser 4 nungi ait. India nunger tebur football asayartem iba asayamung nung shilem agitsü asoshi küm 7 lir tang mezüng maongka ngutet. AFC Asian Cup 2011 Doha nung asayaba mapang India nungertem ya tatemsa asaya liasü aser iba mapang team captain, Sunil Chhetri-a densema asaya liasü.
Iba asayamung nung India nunger ya Aenjeti/January 6, 2019 nü Al Nahyan Stadium, Abu Dhabi nung Thailand den asayatsü, Aenjeti 10, 2019 nü Zayed Sports City, Abu Dhabi nung UAE den asayatsü aser Aenjeti 14, 2019 nü Sharjah Stadium, Sharjah nung Bahrain den asayatsü.
Group A nung aliba linük ajunga ya India nunger dang tajungba lir. Taoba mapang India-i Thailand ya pezüben koka liasü saka tang tesüsa anaben asayaba nungbo India-i khen danga makok.
Group A nungi FIFA Ranking nung India dang temaba jenjang nung aliba linükji United Arab Emirates ya dang lir aser parnok ya jenjang 81buba nung lir. FIFA Ranking nung Thailand ya jenjang 122 aser Bahrain ya jenjang 116 nung lir.
AFC Asian Cup 2019 nung asayatsü atema Group A nung UAE, Thailand, India aser Bahrain lir.
Group B nung Australia, Syria, Palestine aser Jordan. Group C nung Korea Republic, China PR, Kyrgyz Republic aser Philippines. Group D nung Iran, Iraq, Vietnam aser Yemen lir.
Group E nung Saudi Arabia, Qatar, Lebanon aser DPR Korea aser Group F nung Japan, Uzbekistan, Oman aser Turkmenistan lir.