Asian Cup qualifiers: India-i Laos den asayatsü lemzükogo

New Delhi, April 07 (Agencies): India football teloki par AFC Asian Cup UAE 2019 Qualifiers asaya tetenzükba Laos den asayatsü asoshi lemzükogo.
Malaysia kübok Kuala Lumpur nung asaya lemshibaren sentong tanü, Brehostibar nü agiba sülen India-i Laos den asayatsüji lemzüka liasü.
Pot B telok nung densemba India teloki  Laos den bendanglen asayaba asaya taküm June ita 2 nü aser pei asayadak asayaba asaya June ita 7 nü asayatsü lemzükogo saka asaya anaprongla indang asayadakbo melateti lir.
Laos madak takok ngura India teloki AFC 2019 Asian Cup tatembang Qualifiers nung shilem agitsü jenjang angutsü.
Tanü tashi nung telok 12-i Asian Cup nung shilem agitsü jenjang ngua lir.