Asian Junior Boxing Championships nung Rohit Chamoli-i gold medal nguogo

Luroi/August 29, 2021 (Agencies): Deobarnü Dubai nung Asian Junior Boxing Championships final nung National champion Rohit Chamoli (48kg)-i Mongolia nunger asayar Otgonbayar Tuvshinzaya koka gold medal nguogo.

Mezüngbuba round makokba sülen Chamoli-i tanungba round asem koka 3-2 agi asaya akok.

Iba asayamung nung India team-i junior asaya nung bronze medal trokbo kokatokogo. Tetsür asaya semifinal nung tamakok anguba sülen Devika Ghorpade (50kg), Aarzoo (54kg) aser Supriya Rawat (66kg) nungeri bonze medal angu aser tebur asaya nunga Ashish (54kg), Anshul (57kg) aser Ankush (66kg) nungeri bronze medal nguogo.

2019 küm Fujairah, UAE nung Asian Junior Championships asayaba mapang India team-i medal 21 (gold trok, silver teku aser bronze trok) ngua tasembuba jenjang nung tembanga liasü.

Junior jenjang nung gold medal angurtem nem senpet USD 4,000 agütsütsü aser silver aser bronze medal angurtem nem USD 2,000 aser 1,000 agütsütsü.

Hombarnü youth event nung India nunger boxer 15 gold medal atema asayatsü.

Final asayatsüpur rongnung tetsürtem rongnungi Nivedita (48kg), Tamanna (50kg), Simran (52kg), Neha (54kg), Preeti (57kg), Preeti Dahiya (60kg), Khushi (63kg), Sneha (66kg), Khushi (75kg), Tanishbir (81kg) densema lir.

Maneni teburtem rongnungi Vishvanath Suresh (48kg), Bishwamitra Chongtham (51kg), Jaydeep Rawat (71kg), Vanshaj (64kg) aser Vishal (80kg) nunger final asayatsü.