Asian Rowing Championships: India-i medal 7 agizükogo

Beijing, September 28 (Agencies): India-i tanü Hombar nü tembanga Beijing nung asayaba 16 buba Asian Rowing Championships nung silver 5 aser bronze 2 densema ajak agi medal 7 tashi agizükogo.
Kapil Sharma, Jaswinder Singh, Rajesh Verma aser Mohammad Azad nungeri mapang 6:03.25s nung alizüng tonga men’s fours shilem nung silver agizük.
Ano, men’s single sculls tetoktepba nunga Dattu Baban Bhokanal-i alizüng mapang 7:18.41s nung tonga India asoshi tanabuba silver medal agizüka liasü.
Vikram Singh aser Shokendar Tomar na aser Roopendra Singh o Sonu Laxmi Narain nati tebur light weight double sculls aser tebur double sculls tetoktepba na nung silver ka ka agizük.
Davinder Singh, Naveen Kumar Borraiya, Suchcha Singh Tomer, Gurinder Singh, Kapil Sharma, Jaswinder Singh, Rajesh Verma, Mohammad Azad aser Lakshman Rohith Maradapa nungeri tebur tatembangbuba tetoktepba nung India asoshi pongububa silverji agizüka liasü.
Ano külen, Davinder Singh aser Naveen Kumar Borraiya nati tebur pairs aser Dushyant-i tebur lightweight single sculls tetoktepba na nung bronze medal ka ka agizük.