Asian Rugby Sevens:India tsüri silver angu

Vientiane (Laos), February 18 (Agencies) : Tetsür Asian Rugby Sevens asayamung nung India tsürtemi trokben asayaba nung punguben koker Honibarnü ka makok saka silver medal nguogo.
Linük tenet nungi tetsürtem adenshia Rugby asayaba nung India-i 22-7 agi Laos, 12-5 agi Philippines, 43-0 agi Nepal aser 26-12 agi Malaysia linüktem madak takok angu.
Ano tananü asaya nung India tsürtemi 5-0 agi Pakistan akok, saka tatemsa buba asaya nung parnoki 0-29 agi South Korea madak tamakok angu.
Asia Rugby asayamung otsü nung India tsür Hupi Majhi Top Three Try Scorers jenjang nung liasü aser Meerarani Hembram-a goal timba yoker rongnung tasembuba liasü.
Medal agütsüba sentong nung India coach-i, Nasser Hussain-i, “India tsür Rugby asayartemi kangasa junga asayatetba atema parnok nem temulung ajak agi tenüngsang agütsür,” ta ashi.
“International asaya nung iba tashi tait team-i kangasa junga asayaba ajanga India nema tangteter. Ni India nung tetsür Rugby kanga tashi ita akümtsü tashi lir ta reprangtetogo aser ibaji ajanga alima rangben nung linük tenüng ajungkettsü,” ta pai ashi.
“Iba takok anguba ajanga linük nung aliba tetsürtem aika Rubgy asayatsü atema ajungmesotsü onok tamang teimla lir,” ta paisa ashi.