Asian Shotgun Championship nung Ankur Mittal-i gold medal angu

New Delhi, August 5 (Agencies): Astana, Kazakhstan nung 7buba Asian Shotgun Championship nung Honibarnü India nunger shooter Ankur Mittal-i teburtem double trap asaya nung kicha aser team event nung gold medal ngutetogo.
Mittal-i Kicha asaya nung point 71 nguteta mezüngbuba jenjang nung tembangogo.
Maneni Sangram Dahiya-i 43 aser Mohammad Asab-i 34 ta score asüba den Mittal indang score meyokteber India nungeri team event nunga temaba jenjang ngutetogo.
Kicha asaya nung Dahiya 4buba nung aser Asab 5buba jenjang nung ta tembanga liasü.
Mittal ya World Cup gold medalist lir aser qualification mapang pai 137 score asü aser Dahiya (140) o Asab (138) na kübok liasü.
Mittal-i taküm Mexico nung International Shooting Sport Federation World Cup nung gold medal kokogo. Ibaji masüdang New Delhi, World Cup nunga pai silver medal nguteter liasü.
Tebur kicha double trap event nung UAE nunger Khaled Alkaabi (70)-i silver aser Saif Alshamsy (53)-i bronze medal angu.