Asian Squash: India’er tebur o tetsür asayartem semi-i iogo

Taipei, May 13 (Agencies): India’er tebur aser tetsür squash asayar teloki takok ngua, tang tasayadak Asian Squash Championship semifinal asayatsü jenjang tanü, Hokolbar nü nguogo.
Yashi asaya nung India’er tebur squash asayar, Kush Kumar o Harinder Pal Sandhu nati Japan telok madak takok mongutet saka tenati tanü points 2-0 agi Malaysia telok madak quarterfinal asaya koka semifinal asayatsü jenjang tajung ajangzüka liasü.
Tanü mezüngbuba asaya nung Kush-i Malaysia nunger Mohammad Kamal madak takok ngua par telok temaba jenjang nung ajungkettsüba sülen Harinder-ia Ivan Yuen madak takok ngua tanü quarterfinal asayaji kokadok.
Tanü takok anguba sülen India’er tebur teloki Pakistan den semifinal asayatsü lemzükogo.
Tetsür asayartemia yashi Malaysia telok nem kokdaktsü saka tanü quarterfinal asaya nung points 3-0 agi Sri Lanka tsür madak takok ngua liasü.
India’er tetsür telokia tan asayamong nung temaba jenjang abener, Hong Kong tsürtem den semifinal asayatsü.