Asian Women’s Boxing: Saweety-i silver agizükogo

Wulanchabu, August 14 (Agencies): India tsür Saweety Boora-i temang touzük seret 81 taret shilem indang final asaya nung tamakok anguba yong lai Asian Women’s Boxing Championships asayamong indang silver medal ang tanü Hokolbar nü agizükogo.
World Champiosnhips silver medallist, Saweety-i tanü kanga meranga tsüngtep saka China tsür, Yang Xiaoli-i tasa tajung amshia tajungba jenjang nung tsüngtepba yong Saweety-i tanü tamakok ajurua liasü.
Xiaoli-i round 4 nung Saweety madak takok ngua tanü gold medal agizük.
Tan asayamong nung shilem agir tanüngba India’er tetsür tsüngteper 5 prongla semifinal nung tamakok anguba yong parnokia silver medal ang agizüktsü maongka ngua liasü.