Asian Wrestling Championship: India teloki medal 9 agizükogo

Bangkok, February 22 (Agencies): India’er melangteper teloki gold 1 densema, ajak agi medal 9 tashi agizüka Thailand kübok Bangkok nung ayonga agiba Asian Wrestling Championship nung shilem agiogo.
India’er tebur aser tetsür freestyle telok napronglai 4 buba jenjang anguba aser Greco-Roman teloki 6 buba jenjang anguba den külemi, India teloki overall shilem nung 7 buba jenjang ngua liasü.
Tebur freestyle shilem nung Sandeep Tomar-i temang touzük seret 57 taret shilem nung gold aser Om Prakash Vinod Kumar-i seret 70 taret shilem nung India asoshi silver medal agizüktsü.
Priyangka Phogat-i temang touzük seret 55 taret nung silver aser Vinesh Phogat-i seret 53 taret aser Anita Tomar-i seret 63 taret shilem na nung bronze kaka agizükba densema, tetsür melangtepertemia India asoshi medal 3 tashi agizüka liasü.
India melangtepertemi Greco-Roman shilem nunga medal 4 tashi agizükba osang jangjaogo.
Sandeep-i temang touzük seret 57 taret aser Vinod Kumar-i seret 70 taret na nung India asoshi gold aser silver medal agizüktsü.
Tetsür shilem nunga Priyanka-i temang touzük seret 55 taret silver aser Vinesh o Anita nati pei temang touzük shilem nung bronze kaka agizükja liasü.
Hardeep Singh-ia tebur seret 98 taret nung silver aser Guarav Sharma-i seret 59 taret shilem nung bronze agizük.
Harpreet Singh-i seret 80 taret aser Naveen-i seret 130 taret nung bronze kaka agizüktsü.
Qatar kübok Doha nung tesüsa asayba Asian Wrestling Championship nung India teloki silver 1 aser bronze 4 densema, ajak agi medal 5 tashi agizüka overall shilem nung 10 buba jenjang ngua liasü.