Asin aser Rahul Sharma na kibong kümogo

New Delhi, January 20 (Agencies) : Mongulbarnü New Delhi nung actress Asin-i Micromax co-founder Rahul Sharma den kibong aküm.
Tena kiyimbaji sentong ana lemsar agi aser sentong anaprong nung Asin den Housefull 2 nung külemi shilem agir Akshay Kumar-i best man ama shilem agi. Akshay-i Asin aser Sharma na mezüng tejak shiyutepa liasü.
Mezüngbuba sentongji tenla ki ka nung agi aser iba sülen Akhsay-i pa Asin aser Sharma na den külemi agiba noksa ka Twitter ajanga lemsatep.
Tanabuba sentongji nikongtsütsü Dusit Devarana hotel nung Hindu nunger yimya nung agia liasü.
Asin-i Aamir Khan den külemi Ghajini film nung shilem agia Bollywood nung mezüng tetsüng ajemok. Iba sülen lai London Dreams, Ready aser Bol Bachchan film tem nung shilem agiogo.
Tawa tu lai Abhishek Bachchan, Rishi Kapoor aser Supriya Pathak nunger den All Is Well film nung shilem agi.