Asin Thottumkal-i la kiyimtsü anogo indang jembiogo

October 26, 2015: Tawa osang balala ajanga Asin Thottumkal aser la tetong Rahul Sharma na November 26 nü kibong akümtsü ta metetdaktsüogo, ajisüaka laibo aji oda masü ta ashi.

‘Ghajini’ film actress Asin-i, la maparen ajunga tembanga inyakba sülenang kibong akümtsü, ta ashiba osang Times Of India ajanga metetdaktsü.

Osang ajanga ashiba agi, Asin-i osangkakettem nung la kibong akümtsü ta tiyazü adokba ajanga bangkar ta ashiba den külemi lai sangdong ka magütsü tashi osang metetnertemi atasatsüla, ta ashi.

‘Khiladi 786’ nung Asin den külemi shilem agisang Akshay Kumar-i la Micromax ketdangser, Sharma den metettepdakja liasü.