ASLB Tatitang 2015 Dimapur Centre

~ Walu Walling, Co-ordinator, Dimapur Centre.

Ao Senden Literature Board ajanga Arangtet Tatitang 2012 nungi tenzüka Dimapur Centre nung agiyonga arudang 2012 – 2014 küm asem tashi Ao Senso Telungjem Dimapur, yimsüsürtemi shisatsü rongsen, nübu aser sarasadem nung yaria aruba atema pelaba lemsateper. 2014 küm ano Watsü Mungdang, Dimapur, aser Dimapur Ao Lanur Telungjem ajanga tatitang agütsür atema tajungshi o den sarasadem agi yaria aruogo. Telok anaprongla dang kanga pelar.
2015 atema Tir Yimyim Editor Mr. K. Temjen Jamir, aser Ao Kaketshir Telungjem, Dimapur nungi ketdangpurtemi arua tatitang agütsürtem dang tajungshi o den sarasadem aser rongsen agi yariba tepela lemsateper.
Tatitang kong agütsütsü ta shisa bulua alidang Dimapur Ao Baptist Arogo Mission Higher Secondary School, nung sademsadema tatitang agitettsüsa Principal den school administration-i temelaba agütsüba ajanga 2012 – 2015 tashi tatitang agia aruogo. Iba atema school authority dang kanga pelar.
Arangtet Tatitang dak sendakba osang ajak Tir Yimyim Osang kaket nung angadi adoktsüba dang masü, saka tatitang mapangnunga Tir Yimyim Editori anir staff ajaki parnok tajungtiba agi Ao Senden Literature Board züngsem aser Arangtet Tatitang zülur ajak yariba atema pelar.
Maneni Dimapur Centre nung küm shia nisung teimba teimba küma Arangtet Tatitang agüja arudagi, aser iba atema tatitang agütsür ajak dang pelar. Joko Ao o ya Dimapur nung aliba School/ College kongsa Aor Aotsür züngdagi, parnok ajaki MIL nungji Ao o agitsü ajungshitsüla, aser iba atema takoktsü lenmang ajak nung Ao senso ajaki teka amteper inyakdi arung ta iba tayongzükba agi iba osang tembanga yutsür.