ASMC aser KADTA senden amentsü

Dimapur, February 27 (TYO): All sand mohaldar committee (ASMC) aser Karbi Anglong & Dimapur transporter association (KADTA) arok senden ka March 2, 2019 anepdang 10:00 ako nungi Lahorijan sunday bazaar, Delai road nung amentsü, aser iba senden nung lisem shishilembaba dak sendakba tongtibang onük kar jembitsü, ta tanü ASMC President, Ganesh Teron aser KADTA President, Anil Toppo nati sangdong ka ajanga metetdaktsü.
Iba dak sendakba nung tenati lisem suppliers gari kiburtem ajak dang iba senden nung medema adentsü mepishia metetdaktsü. Iba senden nung madenertem dang takhang alitsü aser February 26 nü senden amendang lemtetba ama temerenshi-a alitsü, anungji NH 36 & 39 gari lenmang anaprongla nung sand suppliers gari kiburtem ajak iba senden nung medema adentsü metetdaktsür, ta sangdong nungsa shia lir.