Assam ajanga temesepba mozü shibelener

Guwahati, May 12 (Agencies): Ozüng alema mozü balala shibelentsü atema Assam ya lenmang tasen ka kümogo, kechiyong temesepba mozütem Golden Triangle, China, Bhutan aser Bangladesh nungi Assam aser north east ajanga shibelener, ta Assam home department nung tongti ketdangser kati ashi.
“Ozüng alema mozü state bener aruba lenmang tasen kar onoki jangjaogo aser ibaji nokdangtsü atema mera agiogo,” ta pai ashi.
Mozü shibelenba mita nokdangtsü atema tawa Assam sorkari Task Force ka tentetogo. “Ozüng alema mozütemji Myanmar, Thailand, Laos nungi Assam ajanga Delhi, Kolkata, Mumbai, Chennai aser Patna yimtitemi belener,” ta ketdangserisa shisem.