Assam Angh Nepal-i aotsü akok, nibo Pak-i maotsü: Azam Khan

Lucknow, Nov. 23 (Agencies): Assam Angh, PB Acharya-i, India nung aliba Muslim nunger Pakistan-i aotsü sadem-sadema lir, ta jembiba o dak sentakba nung Hombar nü UP Minister aser SP lenir, Azam Khan-i, “Nibo kidanger linüki (Pakistan) maotsü saka Acharya-i Nepal-i onüra aotsü akok,” ta ashi.
Acharya-i, “Hindustan ya Hindu nunger atema. India nung aliba Muslim nungertemi koleni onüra aotsü sadema lir. Parnoki Pakistan, Bangladesh-i onüra parnok aotsü sadem-sadema lir” ta jembiba ajanga linük nung ashishitep onük tasen ka adokogo.
Iba o jangjashija Deobar nü Acharya-i, pai shinübaji, Muslim nunger densema India nunger ajak bendang linük nung pei tamangba yimsü ajanga reshikangshi tia nung lira India-i arutsü akok, ta jembiba dang lir, ta shiogo.