Assam aser Meghalaya nung alir aika ket nung Aadhaar card mali

Guwahati, November 26 (Agencies): Assam aser Meghalaya nung nisung teimba ka ket nung Aadhaar card yanglua mali ta social impact advisory group Dalbergs-i metetdaktsü.
‘State of Aadhaar: A People’s Perspective’ ta parnoki osang sangoktsüba nung Assam nung nütsüng yongsük 90% aser Meghalaya nung 61% ket nung Aadhaar card mali.
Aadhar card holders 90%-i biometric data ji lendong nungi kümzüka lir ta bilemer aser 80%-i identity card yangluba ajanga sorkari agütsüba subsidy aser pensions timi inyaktettsü ta bilemer.