Assam Assembly Speaker-i Congress MLA 9 anentsü

Guwahati, December 21 (Agencies) : Hombarnü Assam assembly Speaker, Pranab Gogoi-i Congress MLA 9 tashi anti-defection law kübok assembly nungi anentsüogo.
Parnok ajak ya Congress party ticket nungi takok angu aser taoba health minister Himanta Biswa Sarama-i Tarun Gogoi anema inyakba mapa nung shilem agi aser BJP nung aden.
Tanü Speaker-i anentsüba MLA temji – Bolin Chetia, Pradan Barua, Pallab Lochan Das, Rajen Borthakur, Pijush Hazarika, Kripanath Mallah, Abu Taher Bepari, Binanda Saikia aser Jayanta Mallah Barua nunger lir.
Congress toktsür aoba MLA tem atema Advocate Debojit Saikia aser Congress party atema senior lawyer Abdul Muhib Majumdar nati iba onük angadangba mapang shilem agi. Iba mapang Congress chief whip Nilomoni Sen Deka-a densema liasü.
MLA tem jagi teinyaktsü shitak meinyaki BJP nung aden, anungji parnok züngsem agientsüla ta Congress party-i Speaker nem takhangba agüja liasü. Iba onük pa tsüngdang benokba sülen Speaker-i ken o angadangtsü atema jatep.
Congress toktsüba MLA temibo parnok ano BJP legislative party nung maden ta ashir.
Iba ken o angadangba sülen Assam Legislative Assembly Speaker, Gogoi-i anti-defection law kübok onük balala nung ajemdaker Congress MLA 9 assembly nung anendaktsütsü telemtetba agi.