Guwahati, October 10 (Agencies) : Assam nung taküm bandh aliba anogoshia sen crore 43.28 shi akoksar aser yaküm mokdangba sentong 68 aliba ajanga sen crore 2,943 crore tashi akoksa, ta Assam sorkari asadangtetba osang metetdaktsü.
Gauhati high court nungi tetuyuba ka anguba sülen state sorkari asadangba mapa inyakdang iba osang bushitet. Iba bushisüngdang ya Assam home & political department ajanga inyak aser Hokolbarnü okadak agütsüogo.
2014 küm Assam Bandh 68, Assam shilem kar nung bandh 9, district bandh 32 aser locality bandh 21 liasü.
2014-15 (Advance) indang GSDP den medemdangdang Assam bandh alidang künü nung sen lakh 4328 akoksar ta bushitet.
Okadak ken o benoker, senior advocate Bhaskar Dev Konwar-i ashiba agi, Arunachal Pradesh nung Societies Registration Act kübok tenüng züluokba lokti 5407 lir aser 2012 nungi taküm tsüngda parnoki bandh 116 ben ayongzüka agi. Item bandh nung crore 1050.89 tashi takoksa ajuru.
Supreme Court-i bandh ayongzükba ya ozüngi memelaba inyakyim ka lir aser iba ya lokti yimten anema lir kechiyong iba sentong ajanga public nem timtem agütsür ta sangdonga lir, ta Konwar-isa ashi.
Bandh tem ayongzüka agidang ozüng alema mapa inyaker, nisung tasüba ajurur, yiruyibong asür, kiojentem raksar, aser rongsen akoksar aser itemji atema pai Gauhati high court nung ken o benok, ta Bhaskar Dev Konwar-isa metetdaktsü.
You must be logged in to post a comment Login