Assam bandh nung sorkar mapa inyaker 60% office-i mao

Guwahati, Mongputeni (October) 24 (Agencies): Assam nung BJP-i aniba sorkari KMSS aser telok 46-i ayongzükba Assam Bandh anema sentong renem aser iba anogo nung sorkar mapa inyaker ajak office-i aotsü tetuyuba tesashi agütsü.
Ajisüaka, October 23, 2018 nü Dispur nung sorkar mapa inyaker aika mapai maruba ajanga state sorkar mapa inyakertemi sorkar tetuyuba sülen manidakba sayur. Dispur nung aliba Assam Secretariat ya state sorkar atema tongtiret ama lir saka mapa inyaker 40% dang office-i aru. Maneni, tongtipang sorkar office aika nung mapa inyakertem aika maru.
Osangtem angazükba agi, Assam Government employees 60% shi kati bandh anogo nung office-i mao aser minister tem rongnung Ranjit Dutta-ia dang office-i ao. Mongulbarnü tanüngba cabinet züngsemtem ajak office-i mao.
Sorkar mapa inyakertemi public transport system ajanga senzür aser parnok aika nija bus aser ASTC service peria mesenzüba ajanga bus anendak nungi kidangi meyipa ao.
October 23, 2018 nü transport vehicles ka danga mesenzü aser ASTC bus kar dang police escort dena senzü.
Sorkar mapa inyaker aikati Assamese nunger maitsü lendong nung lir ta ashir aser sorkari tetuyuba komar ka agütsü nunga parnoki maitsü kümzüka ayuba mapa posema nungittsü ta metetdaktsüogo.