Assam BJP MLA-i India senso kuli agütsü

Guwahati, Monupii (May) 25 (Agencies): Assam nung BJP MLA Kishore Nath-i pa India senso ta kuli agütsütsü atema Silchar nung Foreigners’ tribunal No 1 tsüngdang noktak.
Cachar district nung foreigners’ tribunal kati BJP MLA Kishore Nath aser par kinungertem dang taoba hopta tu India senso kuli agütsütsü atema osang sangoktsü.
Nath ya Assam kübok Barak valley nung Borkhola constituency nungi MLA lir.
Judge Dulal Saha-i Brihostibarnep 10:00 ako nungi pa aser par kinungertem arutsü tetuyuba agütsü. Tribunal-isa Nath kinungtsü Nilima Nath, par adianu pezü- Matilal Nath, Pradip Nath, Jagdish Nath, Manik Nath aser tenu kinungtsü Rakhi Nath nunger nem kasa osnag sangoktsü.
Nath-i 1945 küm agütsüba ali indang kulikakettem bener aru. Nilima Nath-ia 1950 küm tebu Dewan Sinha indang matric certificate kuli agütsü.
MLA Nath-i osangbener dang pa India senso ta asüba dak sendakba kulikaket ajak foreigners’ tribunal nem agütsüogo ta ashi.