Assam, Bongaigaon nung tasümang 3 angu

Guwahati (Assam), October 12 (Agencies): Tanü Brihostibar nü Lower Assam, Bongaigaon district nung kibong ka nungi züngsem asem tashi tasümang nguogo, aser kinüngbu jibo soseta asüba liasü, ta police-i ashi.
Bongaigaon jila, Salbagan tesem nung soseta asüsangji Sanjoy Bose lir, aser paji tsüngbang nung pangka ayudak nungi lisü agi alenseta sür angu aser pa kinüngtsü Rumpa aser arishi küm trok jala, Pujur naji yimpten nung tejak rembanga sür liasü, ta parnokisa ashi.
Nisung asem asüba kuliji post-mortem agiba osang aser bushisüngdangba ajanga jangjatsü, ta police-isa ashi.
Kiyongertem aser asür kinüngertemi ashiba agi, par kibongji senotsü agi timtemba den külemi kiojen/ali nung mangatettep adoka liasü.