Assam chief Minister-i Parl. Secy 13 shim

Guwahati, September 14 (TYO) : Hombarnü Assam Chief Minister, Tarun Gogoi-i parliamentary secretary 13 shimogo aser parnok rongnung ashishitep aketba MLA Rumi Nath densema lir.

Taoba minister Himanta Biswa Sarma-i BJP nung adenba sülen Congress MLA 52-i pa pusema nungiter ta jembiba sülen Gogoi-i iba mapa inyakogo.

Gogoi-isa minister ana enoksema par cabinet ulushitsü ama ajiteter aser iba nung taoba minister tem – Siddeque Ahmed aser Gautam Roy na shimoktsü imlar.

Hombar nü parliamentary secretary inyaktsü shimertemji, Susanta Borgohain, Arun Phukan, Aroti Kachari, Monika Bora, Rupjyoti Kurmi, Ghanashyam Kalita, Habul Chakraborty, Hemanta Talukdar, Kamalakhya Dey Purkayastha, Jamaluddin Ahmed, Sivsaran Basumatary aser S.R. Subba nungertem lir.

Sarma ya khen mapang kabo Gogoi den tesentaktep tajung liasü aser health & education minister inyakogo. Pa BJP nung adenba sülen Congress nungi MLA 9 aser Independent kati tan ita tetenzüklen BJP tir Amit Shah den ajurutep aser parnok BJP nung adentsü mulunga lir ta shiogo.