Assam CM Gogoi mozükidang nungi aluogo

Guwahati, May 2 (Agencies) : Hombarnü Assam Chief Minister Tarun Gogoi Gauhati Medical College & Hospital nungi anizükogo.
Gogoi tepok nung timtem kar adoka yashi mozükidang anepalutsü anioka liasü aser yasüng mozükidang yipzüka temang tendanga anepaluba sülen tanü anizük.
Angh P. B. Acharya-ia yashi Gogoi amungba mozüki semdang aser pa indang osang metetpela liasü.
Arishi küm 82 tain Gogoi temang nung surgery aiben agiogo aser 2010 nung pa by-pass surgery ka agi. 2001 nungi kümsük asemben tashi Assam nung Chief Minister inyakba otsü tasen ka pai yanglua lir.