Assam CM-i Arunachal Pradesh Angh aitsür

Guwahati, December 18 (Agencies) : Arunachal Pradesh Angh, J P Rajkhowa-i Nabam Tuki’er sorkar loksa odaktsütsü meranger ta Assam chief minister Tarun Gogoi-i Tuki pusema aitsüogo.
Hokolbarnü Gogoi-i sangdong ka nung, Centre nung Narendra Modi’er sorkari Arunachal Pradesh sorkar loksadaktsütsü meranger ta aitsüba shia lir.
Centre nung BJP-i aniba NDA sorkar tetuyuba nung Rajkhowa-i pa nem tashi agüja aliba alema inyakogo, ta Assam chief minister-isa shia lir.
“Prime Minister Narendra Modi-i Centre aser state sorkartem amalitepa inyaktsü indang jembir, saka Centre nung BJP sorkari state sorkar inyakyim nung meinpronger. Tawa Centre-i inyaksangshibatem ajanga parnoki amalitepa inyaktsü mejangrar ta kuli sayur” ta Gogoi-isa sangdong nung shia lir.
Gogoi-isa Assam aser Arunachal Pradesh nung Anghtemi parnok BJP atema inyaker ta jungkai adoka sayuogo, ta aitsü.